کانونی دووەم 18, 2022

زۆرترین بینراو

Error: No articles to display

دیداری عەلی سیستانی و پاپا فرانسیس دەستیپێكرد

مەرجەعی باڵای شیعەکانی عێراق لە کۆبوونەوە لەگەڵ پاپا فرانسیس باسی لە ستەم و هەژاریی و چەوساندنەوەی ئایینی بۆ پاپای ڤاتیکان کردووە لە زۆربەی وڵاتانی ناوچەکە بەهۆی شەڕ و تووندوتیژی و راگواستن، "بە تایبەت گەلی فەلەستینی لە خاکە داگیرکراوەکان".
 
بەپێی راگەیێندراوی نووسینگەی مەرجەعیەتی باڵای شیعەکانی عێراق، سیستانی ئاماژەی بەو رۆڵە گەورەیە کردووە کە "سەرکردە ئایینی و رۆحییەکان دەتوانن بیگێڕن بۆ سنووردارکردنی ئەو نەهامەتییانە، لە نێویاندا بە ئاگادارکردنەوەی لایەنە پەیوەندیدارەکان-بە تایبەت زلهێزەکان کە دەبێت رێگەبدەن ژیری و لۆژیک سەربکەوێت و دووربکەنەوە لە زمانی جەنگ".
 
سیستانی لە کۆبوونەوەکەدا بە ئاماژەدان بە رۆڵی "مێژوویی" عێراق، بە پاپا فرانسیسی گوتووە کە "ئومێدەوارە [عێراق] لەو نەهامەتییەی ئێستای لە ماوەیەکی نزیکدا رزگاری بێت".
 
سەبارەت بە کریستیانەکانی عێراق کە لە ساڵی 2003ەوە، بەتایبەت بەهۆی هاتنی داعش لە ساڵی 2014، ژمارەیان لە کەمبوونەوەدا بووە و ئێستا نزیکەی تەنها 400 هەزاریان لە عێراق ماون، سیستانی بە پاپا فرانسیسی گوتووە، "پێداگیرە کە هاووڵاتیانی کریستیان وەک هاووڵاتیانی دیکەی عێراق خاوەنی ئارامی و ئاشتی و تێکڕای مافە دەستوورییەکانیان بن".
 
مەرجەعی باڵای شیعەکان لە عێراق بە پاپا فرانسیسی گوتووە، بەردەوام کاریان کردووە بۆ پاراستنی کریستیانەکان لە عێراق، بە تایبەت لە کاتی هاتنی داعش لە ساڵی 2014 و لە کۆتاییشدا ئاماژە بەوەکراوە، عەلی سیستانی خۆشحاڵی خۆی بۆ سەردانەکەی پاپا فرانسیس دەربڕیووە.
© 2017 Hawler