ئازار 30, 2020

سەرۆک وەزیرانی کەنەدا پیرۆزبایی جەژنی نەورۆز لە گەلی کورد دەکات

جەستن ترەودۆ، سەرۆک وەزیرانی کەنەدا، بەبۆنەی هاتنی جەژنی نەورۆز، پیرۆزبایی لە گەلی کورد دەکات.

لە راگەیەندراوێکی سەرۆک وەزیران هاتووە، پیرۆزبایی لە خەڵکی فارس، کورد، زەردەشتی، بەهایی و خەڵکی ناوەڕاستی ئاسیا و کۆمەڵگەی ئیسماعیلی لە کەنەدا بەبۆنەی جەژنی نەورۆز دەکەم.

سەرۆک وەزیران دەشڵێت، نەورۆز نوێبوونەوەیەکی رۆحییە و هەلێکە بۆ نیشاندانی پێزانینی خۆمان و هیوایەکە بۆ گەشبینی ساڵانی داهاتوو.

هەروەها مایک پۆمپێیۆ، وەزیری دەرەوەی ئەمەریکا لە تویتێکدا نووسیویەتی، هاوشێوەی سەرۆک ترەمپ، پیرۆزبایی نەورۆز لە هەموو ئەو کەسانە دەکەم کە یادی نەورۆز دەکەنەوە.

ئەمەش لە کاتێکدایە، بەهۆی بڵاوبوونەوەی ڤایرۆسی کۆرۆنا، یادی نەورۆز لە هەرێمی کوردستان ناکرێتەوە و داوا لە هاووڵاتیان کراوە خۆیان لە گەشت و ئاهەنگگێڕان بە دوور بگرن

© 2017 Hawler