تشرینی یەکەم 25, 2020

پرسه‌نامه‌يه‌ك له‌ سه‌رۆكى هه‌رێمى كوردستانه‌وه‌

 بە داخەوە هەواڵی کۆچی دوایيی هونەرمەندی شێوەکاری ناسراوی كوردستان جەمال بەختیارم پێگه‌يشت. خوالێخۆشبوو هونەرمەندێکی نیشتمانپەروەر بوو، هه‌موو ته‌مه‌نى خۆى به‌ هونه‌ر و خزمه‌تى گەل و نیشتمانەکه‌ى به‌خشى و گه‌نجينه‌يه‌كى نايابى هونه‌رى له‌ دواى خۆى جێهێشت.

پرسە و سەرەخۆشی لە خێزان و کەسوکار و هەوادارانی دەکەم، هاوبەشی خەمیانم، لە خوای مەزن داواکارم گیانی خوالێخۆشبوو بە به‌زه‌يى و میهرەبانیی خۆی شاد بكات و دڵنه‌وايى و ئارامی بە هه‌مووان ببەخشێت. به‌ كار و به‌رهه‌مه‌كانى بۆ هه‌ميشه‌ له‌ يادمان ده‌مێنێته‌وه‌.

نێچيرڤان بارزانى سه‌رۆكى هه‌رێمى كوردستان 16/10/2020

© 2017 Hawler