تەمموز 06, 2020

یه‌كێتی زانایانی ئایینی ئیسلام هه‌واڵێكی تۆره‌ كۆمه‌ڵایه‌تیه‌كان به‌درۆ ده‌خاته‌وه‌

یه‌كێتی زانایانی ئایینی ئیسلام هه‌واڵێكی تۆره‌ كۆمه‌ڵایه‌تیه‌كان به‌ درۆده‌خاته‌وه‌، گوایه‌ د. عبدالله مه‌لا سه‌عید لێدوانی داوه‌، داوا له‌ هاوڵاتیان ده‌كه‌م زه‌كات‌و سه‌رفیتره‌ بده‌ن به‌ حكومه‌ت، سه‌رله‌به‌ری ئه‌و قسانه‌ دوورن له‌ راستی‌.

له‌ شه‌وی رابڕدووه‌وه‌ له‌تۆڕه‌ كۆمه‌ڵایه‌تیه‌كان لێدوانێك به‌ناوی به‌رێز د. عبدالله مه‌لا سه‌عید سه‌رۆكی یه‌كێتی زانایانی ئایینی ئیسلامی كوردستان بڵاوبۆته‌وه‌، كه‌ گوایه‌ گوتویه‌تی: داوا له‌ هاوڵاتیان ده‌كه‌م زه‌كات‌و سه‌رفیتره‌ بده‌ن به‌ حكومه‌ت.

لێره‌وه‌ بۆ هه‌موو لایه‌كی روونده‌كه‌ینه‌وه‌، كه‌ سه‌رله‌به‌ری ئه‌و قسانه‌ دوورن له‌ راستی‌و به‌هیچ شیوه‌یه‌ك سه‌رۆكی یه‌كێتی زانایان قسه‌ی له‌و شێوه‌ی نه‌كردووه‌.

له‌گه‌ڵ رێزمان

راگه‌یاندنی یه‌كێتی زانایانی ئایینی ئیسلامی كوردستان
13ی5ی2020

 

© 2017 Hawler