شوبات 27, 2020

ل دهۆكی، رێكخستنەك ژبۆ جه و كارێن كارگەه و كومپانیێن كواشێ دێ هێتە كرن

ژبۆ رێكخستنا كار و بار و جهێن كۆمپانی و كارگەهێن دەڤەرا كواشێ ل سنوورێ پارێزگەها دهۆكێ، رێڤەبەرییا گشتی یا باژێرڤانییان ل پارێزگەها دهۆكێ ب هەڤكاری دگەل جهێن شولەژێ دێ پێداچوونەكێ دژمارەییا كومپانی و كارگەهێن دەڤەرا ناڤهاتی دا كەت و خوێندنەكێ بۆ گرێبەستێن وان كەت، بۆ هندێ ئەو كارگەه و كومپانیێن نە یاسایی و بێ گرێبەست و موللەت هاتینە دروستكرن ب ئێك جاری بهێنە داخستن و راكرن و سزادان، هەروەسا ئەو كارگەه و كومپانی یێن یاسایی، گرێبەستێن وان جارەكادی ژلایێ رێڤەبەرییا باژێرڤانییا سێمێلێ سەر ب رێڤەبەرییا گشتی یا باژێرڤانییان ل پارێزگەه دهكێ بهێنە نوی كرن،

ژبۆ كاركرن ل سەر ڤێ پرۆسەیێ سەهیم بامەرنی، رێڤەبەرێ گرێبەستان ل رێڤەبەرییا گشتی یا باژێرڤانییان ل پارێزگەها دهۆكێ دبێژیت: ژبۆ پتر رێكخستنا كارێن كومپانی و كارگەهێن پارێزگەها دهۆكێ تایبەت یێن دەڤەرا كواشێ، و كێمكرنا كارتێكرنێ ل سەر ژینگەه و هولاتییان، لیژنەیەك هەڤپشك ب مەرەما دویفچوون ل سەر كارێن كارگەه و كومپانییان هاتییە پێكئینان بۆ هندێ سەرەدانا هەموو كارگەه و كومپانییان بهێتە كرن و ژنێزیك كار و جه و گرێبەستێن وان بهێنە دویتن،
ب گور وان ئەنجامێن رێڤەبەرییا گشتی یا باژێرڤانییان ل پارێزگەها دهۆكێ بدەستخۆڤە ئیناین، ل دەڤەرا كواشێ سەر ب پارێزگەها دهۆكێ ڤە، 187 كارگەه و كومپانی هەنە، ژوانا، 52 كارگەه و كومپانییان موللەت ژلایێ رێڤەبەرییا گشتی یا وەبەرهێنانێ ل پارێزگەها دهۆكێ ڤە بدەستخۆڤە ئیناینە، و 135 ان ژی موللەت ژلایێ رێڤەبەرییا پیشەسازییا پارێزگەها دهۆكێ ڤە وەلگرتییە، و ب شێوەیەكی گشتی كارێن وان هەمی كاركەگ و كومپانییان ژلایێ سەروكاتییا باژێرڤانییا قەزا سێمێلێدهێنە سەرپەرشتیكرن چونكە ل سەر مۆلكێن وێهاتینە دروستكرن،
و ل قۆناغا دوویێ پشتی قۆناغا ڤەدیتنێ، ئەو كارگەهێن و كومپانیێن هاتینە هژمارتن دێ كار ب دووبارە كرنا گرێبەستێن وان ژلایێ باژێرڤانییا سێمێلێ ڤەهێنە كرن، ژبەر كو،ژوان 187 كارگەه و كومپانیێن یاسایی و خۆدان موللەت ب تنێ 60 ژوانا ل سەر كارێن خۆ ب شێوەیەكی یاسایی بەردەوامن، و یێن دی ژی ژبەر ئەگەرێن جۆدا كارێن خۆ راوستاندینە، هەروەسا ژبلی وان 187 ان پترژ50 كارگەه و كومپانی یێن بێ موللەت و زێدەگاڤی (نەیاسایی) ل دەڤەرێ هاتینە دروستكرن.
ب گۆر رێكخراوا وزە و پاراستنا ژینەگهی ئەو دویكل و بایا نە ساخلەم دەمێ ژوان كارگەه و كومپانییان ل كواشێ دەردكەڤیت(پەیدادبیت) و بلند دبیتە ئاسمانی، بەلاڤدبیتە سەر بانێ دەڤەرێن دی یێن دەوروبەر، و ناساژی ژینگەها دهۆكێ وەك ئێك ژپیسترین و نەساخلەمترین ژینگەهان ل جیهانێ دەستنیشانكر.
ب بریارا سەروكێ حكومەتا هەرێما كۆردستانێ ئەو هەمی كومپانی و كارگەهێن نە یاسایی پێدڤییە پێرابوونێن یاسایی دگەل دا بهێنە كرن و ب زویترین دەم بهێنە داخشتن و سزادان.

© 2017 Hawler