ئاب 13, 2020

به‌ سه‌رپه‌رشتی کونسوڵخانەی گشتی ئەمریکا لە ھەولێر، فیلمی پێشمه‌رگه‌ نمایشكرا

کونسوڵخانەی گشتی ویلایەتە یەکگرتووەکانی ئەمریکا لە ھەولێر، بە ھەماھەنگی لەگەڵ دەزگای (جەستس فۆر کوردس) فیلمی پێشمەرگەی نمایشکرد.

له‌مباره‌یه‌وه‌ په‌یجی فه‌رمی كونسوڵخانه‌ی ئه‌مریكا له‌ هه‌ولێر رایگه‌یاندووه‌، فلیمه‌كه‌ رۆڵی پێشمەرگە و ھێزی ھاوپەیمانان پێشاندەدات لە جەنگی تێکشکاندنی داعش. ئەم فیلمە لە دەرھێنانی فیلمساز و بیرمەندی بەناوبانگی فەرەنسی (بێڕنارد لێڤی)ە . گەورە بەرپرسانی حکومەت و فه‌رمانده‌و ئه‌فسه‌رانی پله‌ باڵای پێشمه‌رگه‌ی ھەرێمی کوردستان و بیرمەندان و دیپلۆماتکاران و ھونەرمەندان ئامادەی چالاکیەکە بوون.
فیلمی پێشمەرگە لە ساڵی ٢٠١٦ لە فێستیڤاڵی (کان) نمایشکرا و ناوبانگێکی گەورەی نێودەوڵەتی بەدەستھێنا. کونسوڵخانەی گشتی ئەمریکا لە ھەولێر خۆشحاڵە بە رێزگرتنی فیلمی لەم جۆرە، کە رۆڵی پێشمەرگە و قوربانیەکانی پێشاندەدات لە بنیاتنانی کۆمەڵگایەکی کراوە و دیموکراتی و لێبوردە.

1

© 2017 Hawler