ئاب 13, 2020

ئێكەم جار ل پارێزگەها دهۆكێ، داینگەهەك حكومی سەر ب رێڤەبەرییا باژێرڤانییان دهێتە ڤەكرن

ئێكەم جار ل سەر ئاستێ پارێزگەها دهۆكێ داینگەهەكا حكومی ژلایێ رێڤەبەرییا گشتی یا باژێرڤانییان ل پارێزگەها دهۆكێ دهێتە ڤەكرن بۆ هندێ باشتر خزمەتا فەرمانبەرێن حكومی یێن وێ رێڤەبەریێ بهێتە كرنو زارۆیێن وان ب شێوەیەكی باشتر بهێنە پەروەردەكرن.

رێژین مۆستەڤا، وەك سەرپەرشتا داینگەهێ هاتییە ژێگگرتن و دداخۆیانییەكێ دا دایە دیاركرن: كو، ئەڤ داینگەهە ب مەرەما باشتر خزمەتكرنا فەرمانبەرێن رێڤەبەرییێ هاتییە ڤەكرن تایبەتی یێن خۆدان زارۆك بۆ هندێزارۆیێن وان ل ژێر چاڤدێرییەكا باش و ل گور رێنمایێن ساخلەمی یێن پێشكەفتی بهێنە پەروەردەكرن.
ل پارێزگەها دهۆكێ چەندین داینەگەه ب چەندین شێوازان هاتینە ڤەكرن، لێ ئێكەم جارە ل سەر ئاستێ پارێزگەها دهۆكێ داینگەهەك ب ڤی شێوەیێ موودرێن دهێتەدانان كو هەمی ساخلەتێن ساخلەمی و یاسایی بخۆڤە بگریت و ل ژێر رێنمایێن رێڤەبەرییا گەشەپێدانا جڤاكی بیت و هەروەسا بابەتێن پەروەردەكرنێ و فێركرنێپێشكێش بكەت.
داینگەه راستەوخۆ دێ ل ژێر چاڤدێرییا رێڤەبەرییا پاراستنا زاروكان بیت ب سەرپەرشتییا رێڤەبەرییا گشتی یا باژێرڤانییان، و ب گور گۆتنا سەرپەرشتا داینگەهێ هەتا نۆكە 14 زارۆك ل داینگەهێ هەنە و رەنگە هەتا سەرێ ساڵا نوی 2020، ژمارەیا وان بگەهیتە 18 زارۆیان.
زێدەتر گۆت: ل داینگەها رێڤەبەریێ نابیت چ زارۆیێن فەرمانبەران ژرێڤەبەریێن دی بهێنە وەلگرتن ب تنێ دڤێت دەیك یان بابێن وان زارۆیان فەرمانبەرێن رێڤەبەرییا مە بن، و ب تنێ ئەم كۆژمەكێ پارەی یێ دەستنیشانكری و كێم وەلدگرین ئەو ژی دێ ب وان كەسێن سەخبیری و چاڤدێرییا زارۆكان هێتە دان.
رێڤەبەرییا داینگەهێ ب رێیا راگەهاندنێ دخوازیت هەموو فەرمانگەهێن پارێزگەها دهۆكێ رابن ب ڤەكرنا ڤان جورە داینگەهان بۆ هندێ كێشەیێن فەرمانبەرێن وان كێمتر لێ بهێن و بشێن ئاسانتر كارێ خۆ ئارامتر ئەنجام بدەن.

© 2017 Hawler