کانونی یەکەم 08, 2019

سەرۆکی هەرێمی کوردستان سه‌ره‌خۆشی له‌ خانه‌واده‌ی پاچه‌چی ده‌كات

نێچیرڤان بارزانی، سه‌رۆكی هه‌رێمی كوردستان له‌ په‌یامێكدا بۆ كۆچی دواییی سیاسەتمەدار و دیپلۆماتکاری عێراقی، خوالێخۆشبوو عەدنان پاچەچی، سه‌ره‌خۆشی له‌ خانه‌واده‌ و كه‌سوكاره‌كه‌ی كرد، ئه‌مه‌ ده‌قه‌كه‌یه‌تی:

به‌بۆنه‌ی کۆچی دواییی سیاسەتمەدار و دیپلۆماتکاری ناوداری عێراقی خوالێخۆشبوو “عەدنان پاچەچی”یه‌وه‌، پرسە و سەرەخۆشیمان ئاراستەی خانەوادە و كه‌سوكار و ھاوڕێیانی دەکەین. هاوسۆز و هاخه‌میانین. خوالێخۆشبوو کەسایەتییەکی نیشتیمانیی دیاری خاوەن ھەڵوێست بوو، بەشدارییەکی بەرچاوی لە دامەزراندنەوەی عێراقی نوێدا لە پاش پرۆسەی ئازادی هه‌بوو.
لە پەروەردگار داواکارین، گیانی خوالێخۆشبوو بە بەھەشت شاد بکات، ئارامی و دڵنەواییش بە ھەموو لایەک ببەخشێت.

نێچیرڤان بارزانی
سه‌رۆكی هه‌رێمی كوردستان
18/11/2019

دواترین دەستکاریکردن لەسەر سێ شەممە, 19 تشرینی دووەم 2019 05:45
© 2017 Hawler