کانونی یەکەم 08, 2019

ئامادەکردنی پرۆژەیاسای "چاکسازی" لە قۆناغی کۆتاییدایە

ئومێد خۆشناو، سەرۆکی فراکسیۆنی پارتی لە پەرلەمانی کوردستان، ڕایدەگەیەنێت، بەمنزیکانە پرۆژە یاسای چاکسازی ڕەوانەی پەرلەمان دەکرێت و پرۆژە یاساکە لە قۆناغی کۆتایی ئامادەکردنیدایە لە ئەنجوومەنی وەزیرانی هەرێمی کوردستان.

خۆشناو، لە بارەی کاتی ناردنی پرۆژە یاساکە بۆ پەرلەمان، ڕایگەیاندووە:" لەم نزیکانەدا حکوومەتی ھەرێمی کوردستان پڕۆژەیاساکە ڕەوانەی پەرلەمان دەکات. و دەشڵێت:" ئامادەکردنیشی لە قۆناغی کۆتاییدایە.
لەماوەی ڕابردوودا، بە سەرپەرشتی سەرۆکی حکومەتی هەرێمی کوردستان، چەندین کۆبوونەوە لەبارەی ئامادەکردنی پرۆژە یاساکە بەڕێوەچووە و حکومەتی هەرێم داوای لەسەرجەم لایەنەکان کردبوو سەرنج و تێبینی خۆیان لەبارەی پرۆژە یاساکە پێشکەش بکەن لە پێناو بەدەستهێنانی کۆدەنگی و دروست نەبوونی گرفت لەبەردەم پەسەندکردنی پرۆژە یاساکە کە چەندین مادە و بڕگە لە خۆ دەگرێت.
پێشتریش چەندینجار لەبارەی پرۆژە یاسای چاکسازییەوە، سەرچاوەکان لە حکومەت و لیژنەی ئامادەکردنی پرۆژەکە، ئەوەیان ڕاگەیاندووە، هیچ کێشەەیەک لە پرۆژە یاساکەدا نەماوە و بە هۆی گرنگی و پێویستی کوردستان بەو پرۆژە یاسایە کۆدەنگی هەیە، هاوکات لیژنەی ئامادەکردنی پرۆژەکە جەختییان لەوە کردۆتەوە دەبێت پەلە بکرێت لە ئامادەکردنی و ناردنی بۆ پەرلەمان.
لە لایەکی ترەوە، سەرۆکی پەرلەمانی کوردستان، بانگهێشتنامەی ئاراستەی ئەندامانی پەرلەمانی کوردستان بۆ ئامادەبوون لە دانیشتنی ئاسایی پەرلەمان، لە بانگهێشتنامەکەی سەرۆکی پەرلەماندا هاتووە، داوا لە سەرجەم ئەندامانی پەرلەمانی کوردستان دەکات، کە ئامادەی ‌دانیشتنی ژماره‌ (7)ی ئاسایی، ساڵی یه‌كه‌م له‌ خولى هه‌ڵبژاردنی پێنجه‌مى په‌رله‌مان بن، له‌كاتژمێر 11ى پێشنیوه‌ڕۆی رۆژى چوارشه‌ممه‌ رێكه‌وتی 2019/11/13.

 

© 2017 Hawler