تشرینی دووەم 12, 2019

دۆهی، كاروانێ دوویێ یێ هاریكارییان گەهشتە رۆژئاڤایێ هەرێما كۆردستانێ

دۆهی 19ئۆكتوبەرا 2019 دوو ترۆمبێلێن بار هەلگرێن مەزن و پری پێداویستیێن پزیشكی درێ دا بۆ رۆژئاڤایێ هەرێما كۆردستانێ دچوون بۆ هندێ هاریكاریێن دەسپێكی یێن ب لەز بۆ نەخۆشان بهێنە كرن و برینێن وان پێ بهێنە دەرمانكرن.

ب گورەی زانیارییان ئەو پێداویستی ژدەرمانێن راوستاندنا ئازاران و بتلێن خوینێ یێن ڤالا و چەندین جورێن دی یێن دەرمانان پێك دهێت، و پشتی گەهشتنا وان دێ ل دویف پێداویستیێ ل سەر نەخۆش و نەخۆشخانەیان هێنە بەڵاڤكرن.
ئەو جورە پێداویستییە ب گور خواستنا خەلكێ رۆژئاڤای هاتینە رەوانەكرن، كو بەری نوكە ئەوان خواستییە پترییا هاریكارییان پێداویستیێن پزیشكی بن بۆ هندێ بشێن چارەسەیێن دەسپێكی و ب لەز بۆ نەخۆشان ئەنجام بدەن.
دەزگا و رێكخراوا خێر خوازی بارزانی ئێكەم رێكخراوا مرۆڤی بوویە ل هانا ئاوارە و زیان ڤێ كەفتیێن رۆژئاڤایێ هەرێما كۆردستانێ چوویە، كو چەندین تەن یێن پێداویستییان هنارتینە ژچەندین پێدڤییان پێك دهاتن وەك پێدڤیێن گەرم كرنێ و خوارنێ بۆ كەسێن دان عەمر و زارۆك و گەنجان و هەروەسا پێداویستیێن ساخلەمیێ بۆ بریندار و نەخۆشان.
ل حەفتییا بوری ژی ب ریێا 20 ترومبێلێن بار هەلگر پتر ژ300 تەنێن پێداویستییان ژلایێ رێكخراوا ناڤ هاتی هاتینە رەوانەكرن و ل دویف گوتنا رەواج حاجی، بەرپرسێ راگەهاندن و توژینەوە ل دەزگایێ خێر خوازی بارزانی، "ئەڤە كاروانێن دەسپێكی یێن هاریكاریێ نە بۆ خەلكێ رۆژئاڤای دهێنە رەوانەكرن و یێن دویماهیكێ نابن بەلكو ئەم دێ ل سەر ڤێ چەندێ بەردەوام بین".

 

© 2017 Hawler