ئاب 13, 2020

لەناو جەهەپەدا ركابەری كلیچدارئۆغلو پەیدا بوو

ئەمڕۆ 36 ەمین كۆنگرەی پارتی گەلی كۆماری جەهەپە بەڕێوەچوو، كەمال كلچدارئۆغلو سەرۆكی ئێستای جەهەپە توانی دیسان خۆی كاندید بكاتەوە بۆ وەرگرتنی پۆستی سەرۆكی جەهەپە، بەڵام ركابەرێكی بۆ پەیدا بوە و دەیەوێت ببێتە شوێنگرەوەی كلیچدارئۆغلو.

موحەرەم ئینجە ئەندامی سەركردایەتی جەهەپە و، ئەندام پەرلەمانی توركیا، توانی 160 ئیمزا كۆ بكاتەوە بۆ ئەوەی بتوانێت ببێتە ركابەری كلیچدارئۆغلو.
جگە لەو 2 كەسی تریش ویستیان خۆیان بۆ پۆستی سەرۆكی جەهەپە كاندید بكەن، بەڵام نەیانتوانی لەناو كۆنگرە ئیمزای تەواو كۆ بكەنەوە.
موحەرەم ئینجە خاوەن جەماوەرێكی زۆرە لەناو جەهەپەدا، بەڵام بە گوێرەی ئەو زانیارییانەی میدیاكانی توركیا بڵاویان كردەوە، ئەستەمە بتوانێت دەنگی زیاتر لە كلیچدارئۆغلو بهێنێت. چونكە لە كۆنگرەی پێشووتریش هەر ركابەری كلیچدارئۆغلو بوو، بەڵام نەیتوانی لە كلیچدارئۆغلو بباتەوە.
لە ساڵی 2011ـەوە، كەمال كلیچدارئۆغلو وەكو سەرۆكی جەهەپە دەستنیشان كراوە، ئەمەش دوای ئەوەی دەنیز بایكال سەرۆكی ئەوكاتی جەهەپە، گرتەیەكی ڤیدیۆیی سێكسی لێ ئاشكرا بوو و ناچار كرا دەستلەكاربكێشێتەوە.

© 2017 Hawler