تەمموز 01, 2022

زۆرترین بینراو

Error: No articles to display

ئەمەریکا خەڵکی سڤیل لە فڕۆکەخانەی کابول دەگوازێتەوە

گەشتی فڕۆکە سەربازییەکان بۆ گواستنەوەی دیپلۆماتکاران و خەڵکی سڤیل لە فڕۆکەخانەی کابول دەستیپێکردەوە.

وەزارەتی بەرگری ئەمەریکا رایگەیاند، گەشتی فڕۆکە سەربازییەکان بۆ گواستنەوەی دیپلۆماتکاران و خەڵکی سڤیل لە فڕۆکەخانەی کابولی پایتەختی ئەفغانستان دەستیپێکردەوە. دوای ئەوەی بەهۆی ئاڵۆزی و قەرەباڵغییەوە بۆ ماوەیەک فڕۆکەخانەکە داخرابوو.

بەرپرسێکی پنتاگۆن ئاماژەی بۆ ئەوەشکردووە، دوو هەزار و 500 سەربازی ئەمەریکا سەرپەرشتی گواستنەوەی دیپلۆماتکاران و خەڵک دەکەن و تا ئێستا دوو هەزار ئەفغانیش راگوێزران، ئەوانەی ڤیزایان بۆ ئامادەکرابوو.

بەگوێرەی لێدوانی ئەو بەرپرسە، لە ماوەی 24 کاتژمێری رابردوودا، هێزی ئاسمانی ئەمەریکا، هیچ هێرشێکی لە ئەفغانستان ئەنجام نەداوە.

دواترین دەستکاریکردن لەسەر پێنج شەممە, 14 نیسان 2022 23:36
© 2017 Hawler