نیسان 15, 2021

بریارێكی پەرلەمانی ئەوروپی، دڵی هەزاران هاووڵاتی كورد خۆش دەكات

 عەبدولقەهار هەولێری/ هۆڵەندا

 

لە كۆبوونەوەی ئاسایی خۆیدا ئەندامانی پەرلەمانی ئەوروپی دەنگیان لەسەر پرۆژە بریارێك دا كە لەبەرژەوەندی كریكارەكان دا.

چۆن بریارەكە لەبەرژوەندی كرێكارێكی ئەوروپییە، بەهەمان پێوەر لە خزمەندی رەوەندی نەتەوەیەكی وەكو كوردیشە، كە ئەمرۆ بە سەدان هەزار هاووڵاتی كورد لە وڵاتانی ئەوروپی ژیان بەسەر دەبەن و خاوەن خێزان و بەرژەوەندین لەو وڵاتانەدا. بۆیە وەك چۆن بریارەكە مایەی خۆشحالیە بۆ تاكێكی بە نەژاد ئەوروپی، بە هەمان شێوە جێگەی خۆشحالییە بۆ تاكێكی كورد كە نیشتەجێ و پەناهەندەی وڵاتێكی ئەوروپییە.
ئەو بریارەی پەرلەمانتارانی ئەوروپی جەخت لەسەر ئەوە دەكاتەوە كە هەموو كریكارێك مافی ئەوەی هەیە لەگەل تەواوبوونی كاتی كاركردنی رۆژانەی خۆی، پەیوەندی هەژماری ژمارەیی و بەردەوامی بە ئەنتەرنێتەوە ببڕێ، بەبێ ئەوەی خاوەن كارەكە مافی سزادانی ئەو كرێكارەی هەبێت.
پێشتر خاوەن كارەكان بەردەوام پەیوەندیان بە كرێكارەكانەوە دەكرد تاوەكو كاری زیاتریان بۆ ئەنجام بدەن، ئەوەش ئازادی لە كرێكارەكان قۆرەخكردبوو، ببووە مایەی نیگەرانی و تورەبوونیان، بەڵام بە هۆی ئەم بریارە نوێیەی ئەندامانی پەرلەمانی ئەوروپی ئێستا خاوەن كارەكان ناتوانن بە پێ یاسای نوێ پەرلەمانی ئەوروپی كریكارەكانیان بخەنە ژێر فشاری داواكاریەكانی خۆیان و زیاتر كردنی قازانج و سەرمایەكانیان لەسەر حیسابی پشووی كرێكارەكانیان.

© 2017 Hawler