کانونی دووەم 27, 2021

نەتەوە یەكگرتووەكان ڕێوشوێنی دەستبەجێ دووپات دەكاتەوە بۆ سووكردنی مەینەتییەكانی خەڵكی شەنگال

ئاریان دەرگەڵەیی - هه‌ولێر

 

جێنین هێنیس-پلاسخارت، نوێنەری تایبەتی سكرتێری گشتی نەتەوە یەكگرتووەكان لە عێراق سەردانی قەزاكەی كرد . مەبەستی سەردانەكە بە دواداچوونی جێبەجێكردنی ڕێكەوتنی ئەمدواییەی بەغدا و هەولێر بوو كە ئامانج لێی خولقاندنی بارودۆخێكی سەقامگیر و ئارام و خۆشگوزاران بوو بۆ دانیشتوانەكەی. خاتوو ڤۆیاكۆڤا سۆلۆریانۆی جێگری و هەماهەنگیكاری نێشتەجێی و مرۆیی لە عێراق یاوەری سەردانەكەی بوو. شاندی نەتەوە یەكگرتووەكان جەختیان لە پێویستی كاری زیاتر كردووە – بە یەكگرتوویی و خێراتر- لە پێناو سووكردنی سەختییەكانی ئێستا.

خاتوو هێنیس – پلاسخارت گوتی" حكوومڕانیەكی كارا لە ڕێگای ئیدارەیەكی یەكگرتوو و ستراكچەرە سەقامگیرەكانی ئاسایش بنەمای سەرەكین بۆ هەر شێوەیەكی پێشوەچوون. ئەوەی تا ئێستا بەدەستهاتووە دەكرێت ببنە ڕێگا خۆشكەر بۆ باشتركردنی بارودۆخی گوزەران بە شێوەیەكی مەزنتر، بەڵام بۆ ئەوەی ئەمە ڕوو بدات پێویستە گشت لایەنەكان بە یەكگرتوویی و هاوكاری كار بكەن."
ئەم سەردانە مەیدانیە دوای ئەو كۆبوونەوەیە هات كە لە مانگی تشرینی دووەمی ٢٠٢٠ خاتوو هێنیس- پلاسخارت لەگەڵ پارێزگاری نەینەوا و هەموو پێكهاتەكانی شەنگاڵ كردی و داوای جێبەجێكردنی ڕێكەوتنامەكەی لێكردن. لە سەردانەكەی ئەمڕۆدا، هەریەك لە بەڕێزان حەسەن زەنون ئەلعەلاف، جێگری پارێزگاری نەینەوا و لیوا ڕوكن جەبار تائی فەرماندەی ئۆپەراسیۆنەكانی ڕۆژئاوای نەینەوا و هەروەها چەند فەرماندەیەكی سەربازی و ئەمنی بەرپرسیار كورتەیەكیان دەربارەی بارودۆخەكە پێشكەشی شاندی نەتەوە یەكگرتووەكان كرد. شاندەكە لە میانی كۆبوونەوەی لەگەڵ جڤاك و سەركردەكانی پارتە سیاسییەكانی ناوچەكە گوێی لە داواكاری و نیگەرانییەكانیان گرت.
نوێنەری تایبەتی نەتەوە یەكگرتووەكان دەستخۆشی لە ڕێكەوتنەكە كردو داوای كرداری زیاتری كرد و گوتی" پێویستە پەلە بكرێت لە تەواوكردنی ڕێوشوێنە ئەمنییەكان و لە جێبەجێكردنی بەشەكانی تری ڕێكەوتنەكە، بۆ ئەوەی بتوانرێ دەست بە كارە گرنگەكانی دووبارە ئاودانكردنەوە بكرێت و هەروەها خێراش بكرێت. پێویستە بە شێوەیەكی خێرا بارودۆخ لە سەر ئەرزی واقیع باشتر بكرێ بۆ ئاسانكردنی گەڕانەوەی ئارەزوومەندانەی شكۆدار" .
هەروەها شاندەكە سەردانی شەنگاڵی كۆنیان كرد كە لە جەنگی دژ بە داعش (٢٠١٤-٢٠١٧) خاپوور كرا وێڕای سەردانیكردنی گوندی تەل ئەلباناتی سەر بە قەزاكە كە تیایدا زیاتر لە ٦٠٠ خانەوادە گەڕاونەتەوە سەر زێدی خۆیان،زۆربەشیان ئێزیدین . ئاوارەكانی خەلكی شەنگال باسیان لە نیگەرانییەكانیان كرد و داوای هاریكاری زیاتریان كرد بۆ جڤاكە لۆكاڵییە لاوازەكان كە بەم دواییە لە كەمپەكانی ئاوارەكان گەڕاونەتەوە.
هەوەها خاتوو ڤۆیۆشكۆڤا- سۆلۆریانۆ،جێگری نوێنەری تایبەت /هەماهەنگیكاری نیشتەجێ / هەماهەنگیكاری كاروباری مرۆیی گوتی " نێردەی نەتەوە یەكگرتووەكان و ئاژانس و سندوق و بەرنامەكانی نەتەوە یەكگرتووەكان چالاكن لە پشتگیریكردنی كۆششەكانی حكوومەت و بەردەوام دەبن لە كاركردن لەگەڵ دەسەلاتە خۆجێییەكان بۆ چڕكردنەوەی پرۆژەكانی دووبارە سەقامگیریی و شیاندنەوە.بۆ ئەوەی شەنگالیان وا هەست بكەن كەوا دیسان لە ولاتەكەی خۆیانن"

© 2017 Hawler