شوبات 19, 2020

حكوومەتی رووسیا دەستی لەكاركێشایەوە

دوێنێ، حكوومەتی رووسیا بە سەرۆكایەتی دیمیتری میدڤیدیڤ هەڵوەشاندنەوەی كابینە وزارییەكەی راگەیاند، لە پەیامێكیشدا فلادیمیر پوتین سەرۆكی روسیا داوای لە حكوومەتە دەسلەكاركێشاوەكە كرد كارەكانی ئەنجامبدات تا پێكهێنانی حكوومەتی نوێ.

دیمتری میدڤیدیڤ سەرۆك وەزیرانی رووسیا رای گەیاند كە دوای نامەیەكی ڤلادیمێر پووتین سەرۆكی رووسیا بۆ كۆمەڵەی گشتیی فیدراڵی رووسی، حكوومەت دەستی لەكار كێشایەوە.
دەستلەکارکێشانەوەکە سەرۆکوەزیرانی رووسیا دوای گوتاری ساڵانەی ڤلادیمیر پووتین، سەرۆکی رووسیا دێت کە دوێنی بەڕێوەچوو و تێیدا داوای گۆڕانکاری لە دەستووری وڵاتەکەدا کرد تاوەکو دەسەڵاتی زیاتر بە سەرۆکوەزیران و کابینەکەی بدرێت.
بەپێی میدیاکانی رووسیا، پووتین سوپاسی کارەکانی سەرۆکوەزیرانی کردووە، بەڵام ئەوەیشی گوتووە هەموو ئەو ئامانجانەی بەدینەهێناوە کە بۆی دانراوە.  میدڤیدیڤ لە دیدارێكی لەگەڵ پووتین دوای پەیامەكەی دوایی گوتی، بەڕێز ڤلادیمێرۆفیچ، ئەی هاوڕێ خۆشەویستەكان، هەمووتان شایەتحاڵی نامەكەی سەرۆكی رووسیا بوون، كە نەك تەنیا كارە لەپێشینەكانی بۆ رووسیا بۆ ساڵی داهاتوو دیاری كرد، بەڵكو چەند گۆڕانكارییەكی سەرەكی لە دەستوور روون كردەوە، ئەو گۆڕانكاریانە كە دێنە جێبەجێكردن و دوای تاوتوێكردنیان هەر وا دەكرێت، گۆڕانكاری گرنگ روودەدات، نەوەك لەسەر چەند مادەیەكی دەستوور، بەڵكو لە هاوسەنگیی دەسەڵات بەگشتی.
دیمیتری مێدڤێدیڤ، بە یەکێک لە کەسە نزیکەکانی پووتین دادەنرێت و لە ساڵی 2012ـەوە سەرۆکوەزیرانی رووسیایە. لە ساڵی 2008 تاوەکو 2012 سەرۆکی رووسیا بوو.

© 2017 Hawler